A topografía e orientación da parcela, xunto coa procura da solución económicamente máis viable e menos agresiva co terreo natural, guiaron a distribución das edificacións na parcela sen xerar moita transformación no terreo e orientar ao máximo posible a vivenda ao Sur.

 

Como curiosidade, todas as edificacións resólvense mediante a construción tradicional, muros de carga de bloques de termoarxila e forxados con viguetas e bóvedas illantes, que contribúen a mellorar a transmitancia da envolvente.

 

Polo exterior resólvese mediante pedra e un sistema SATE acabado con pinturas de base mineral.

 

As carpinterías son de PVC e vidro dobre baixo  emisivo. A propia forma da vivenda xa expón un elemento de protección solar para as xanelas da fachada Sur ao mesmo tempo que crea un soportal no exterior. O resto das xanelas están protexidas polo exterior mediante persianas de lamas  orientables que mitigan a incidencia do sol nos meses máis calorosos.

 

A climatización da casa fornécese a través do aire de ventilación mecánica con recuperación de calor e unha batería eléctrica de postratamiento para lograr o máximo confort.